हिमालयन जनरल इन्स्योरेन्स (HGI) ले ७ करोड ३१ लाख ७२ हजार ४०० रुपैयाँ बराबरको बोनस सेयर वितरण गर्ने भएको छ ।
कम्पनीको पुस २१ गते बुधबार सम्पन्न सञ्चालक समितिको २७३ औं बैठकले गत आर्थिक वर्ष २०७७।७८ को मुनाफाबाट बैंकका सेयरधनीहरूलाई चुक्ता पूँजीको ६.६५ प्रतिशत बोनस सेयर र कर प्रयोजनको लागि समेत गरी ०.३५ प्रतिशत नगद लाभांश गरि कुल ७ प्रतिशत लाभांश वितरण गर्ने प्रस्ताव गरेको हो ।
अघिल्लो आवको तुलनामा कम्पनीले थोरै बढाएर लाभांश प्रस्ताव गरेको हो । आर्थिक वर्ष २०७६।७७ बाट कम्पनीले सेयरधनीलाई ३ प्रतिशत बोनस सेयर र ३.७५ प्रतिशत नगद गरी ६.७५ प्रतिशत लाभांश वितरण गरेको थियो ।
आर्थिक वर्ष २०७७।७८ को मुनाफाबाट प्रस्तावित उक्त लाभांश बीमा समितिको स्वीकृति तथा कम्पनीको आगामी साधारण सभाबाट पारित भएपश्चात मात्र सेयरधनीले पाउनेछन् ।
हाल १ अर्ब १० करोड ३ लाख ३६ हजार ७०० रुपैयाँ चुक्ता पूँजी रहेको कम्पनीको बोनस सेयर वितरणपछि १ अर्ब १७ करोड ३५ लाख ९ हजार ९० रुपैयाँ पूँजी पुग्नेछ ।
यस्ताे छ लाभांश इतिहास:-
| S.N. | Fiscal Year | Bonus Dividend(%) | Cash Dividend(%) | Total Dividend(%) |
| 1 | 2076/2077 | 3.00 | 3.75 | 6.75 |
| 2 | 2075/2076 | 4.00 | 3.75 | 7.75 |
| 3 | 2073/2074 | 0.00 | 15.00 | 15.00 |
| 4 | 2072/2073 | 20.00 | 1.05 | 21.05 |
| 5 | 2071/2072 | 20.00 | 1.05 | 21.05 |
| 6 | 2070/2071 | 7.00 | 3.25 | 10.25 |
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया