नेपाल इन्स्योरेन्सको साधारण सभा आह्वान, १३ करोड ६६ लाख रूपैयाँ बाेनस पारित गर्ने

नेपाल इन्स्योरेन्स कम्पनी लिमिटेड ले लाभांश सहितका अनय प्रस्तावहरु पारित गर्न जेठ ३० गते बिहान १० बजे साधारण सभा बोलाएको छ । कम्पनी सञ्चालक समितिको बैठकले नेपाल पर्यटन बोर्ड, प्रदर्शनीमार्ग, काठमाडौं ७३ औं वार्षिक साधारण सभा आह्वान गरेको हो ।

७३ औं वार्षिक साधारण सभाले गत आर्थिक वर्ष २०७७।६८ को मुनाफाबाट सेयरधनीलाई वितरण गर्न प्रस्तावित ११ प्रतिशत बराबरले हुन आउने १३ करोड ६६ लाख रुपैयाँ बराबरको बोनस सेयर र बोनसमा लाग्ने कर प्रयोजनको लागि ०.५७८९ प्रतिशतले हुन आउने ७१ लाख ९२ हजार रुपैयाँ नगद लाभांश वितरण गर्ने प्रस्ताव अनुमोदन गर्नेछ ।

यसैगरी जारी पूँजी तथा चुक्ता पूँजी सम्बन्धि व्यवस्था संशोधन गर्ने, सञ्चालक समितिमा संस्थापक सेयरधनीबाट प्रतिनिधित्व गर्ने दुई जना र सर्वसाधारण सेयरधनीबाट २ जना गरी कुल ४ जना सञ्चालकहरुको समेत निर्वाचन गर्नेछ ।

कम्पनीले साधारण सभा तथा लाभांश वितरण प्रयोजनको लागि जेठ १७ गते मंगलबारदेखि ३० गतेसम्म सेयर दाखि खारेजी (बुकक्लोज) गर्ने भएको छ । बुकक्लोज अनुसार बुकक्लोजको अघिल्लो कारोबार दिनसम्म नेप्सेमा सेयर करोबार भई कायम कम्पनीका सेयरधनीले मात्र लाभांश पाउनेछन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।