मङ्सिरमा जीवन बीमा कम्पनीहरुले संकलन गरे १२ अर्ब ३१ करोड बीमाशुल्क

जीवन बीमा कम्पनीहरुले मङ्सिर महीनामा कुल १२ अर्ब ३१ करोड ८ लाख ३० हजार बीमाशुल्क संकलन गरेका छन् । नेपाल बीमा प्राधिकरणले सार्वजनिक गरेको जीवन बीमा व्यवसाय गर्ने कम्पनीहरुको विवरण अनुसार १४ जीवन बीमा कम्पनीहरुले कुल २ अर्ब ३४ करोड ९५ लाख ५८ हजार रुपैयाँ प्रथम बीमा शुल्क र ९ अर्ब ९६ करोड १२ लाख ७२ हजार रुपैयाँ नवीकरण बीमाशुल्क संकलन भएको हो ।

विसं २०८० मङ्सिर संकलन भएको बीमाशुल्क अघिल्लो आर्थिक वर्षको सोही अवधिको तुलनामा जीवन बीमा कम्पनीहरुले संकलन गरेको रकमको तुलनामा १ अर्ब १९ करोड ३८ लाख ४८ हजार रुपैयाँ अर्थात ८.८४ प्रतिशत थोरै हो । विसं २०७९ मङ्सिर महीनामा जीवन बीमा कम्पनीहरुले प्रथम बीमा शुल्क वापत २ अर्ब १५ करोड ३६ लाख ३८ हजार रुपैयाँ र नवीकरण शुल्क ११ अर्ब ३५ करोड १० लाख ४१ हजार रुपैयाँ गरेर कुल १३ अर्ब ५० करोड ४६ लाख ७९ हजार रुपैयाँ संकलन भएको थियो । समीक्षा अवधिमा प्रथम बीमाशुल्क रकम १९ करोड ५९ लाख २० हजार रुपैयाँ (९.०९७%) ले बढेको हो भने नवीकरण बीमाशुल्क १ अर्ब ३८ करोड ९७ लाख ६९ हजार रुपैयाँ (१२.२४४%) ले बढेको हो ।

जीवन बीमा कम्पनीहरुले मङ्सिर महीनामा ४ लाख ३३ हजार ६१८ वटा बीमालेखबाट १ खर्ब ४४ अर्ब २० करोड ७ लाख ३३ हजार रुपैयाँ बीमाङ्कको बीमालेख जारी गरेका छन् । यस अवधिसम्म जीवन बीमा कम्पनीहरुमा सक्रिय बीमालेखको संख्या १ करोड ३७ लाख ५४ हजार ४८३ वटा रहेको छ । विसं २०७९ मङ्सिर महीनामा १० लाख १ हजार १९९ वटा बीमालेखबाट ३ खर्ब ६३ अर्ब ९ करोड ४ लाख ७७ हजार रुपैयाँ बीमाङ्कको बीमालेख जारी गरेका थिए । यस अवधिसम्म जीवन बीमा कम्पनीहरुमा सक्रिय बीमालेखको संख्या १ करोड ३९ लाख ४६ हजार ५०५ ओटा रहेको थियो । 

जीवन बीमा कम्पनीहरुमध्ये नेपाल लाइफ इन्स्योरेन्सले सबैभन्दा धेरै ३ अर्ब ३२ करोड ३१ लाख १० हजार रुपैयाँ बीमाशुल्क उठाएको छ । यस कम्पनीले ४७ करोड ५९ लाख ४८ हजार रुपैयाँ प्रथम बीमा शुल्क र २ अर्ब ८४ करोड ७१ लाख ६२ हजार रुपैयाँ नवीकरण बीमाशुल्क संकलन गरेको हो । यसैगरी दोस्रोमा नेशनल लाइफ इन्स्योरेन्सले १ अर्ब ८६ करोड ८७ लाख ४६ हजार कुल बीमाशुल्क आर्जन गरेको छ । यस कम्पनीले ३६ करोड ११ लाख ८५ रुपैयाँ प्रथम बीमाशुल्क र १ अर्ब ५० करोड ७५ लाख ६० हजार रुपैयाँ नवीकरण बीमाशुल्क संकलन गरेको हो । तेस्रो स्थानमा रहेको हिमालयन लाइफ इन्स्योरेन्सले १८ करोड ५० लाख ५ हजार रुपैयाँ प्रथम बीमा शुल्क र १ अर्ब २४ करोड ८४ लाख ४४ हजार रुपैयाँ नवीकरण बीमाशुल्क गरी कुल १ अर्ब ४३ करोड ३४ लाख ४९ हजार रुपैयाँ बीमाशुल्क आर्जन गरेको छ ।

यस्तै, लाइफ इन्स्योरेन्स कर्पोरेसन (नेपाल) लिमिटेड–एलआइसी नेपालले पनि मङ्सिरमा १ अर्ब ३५ करोड ४२ लाख १५ हजार रुपैयाँको बीमा व्यवसाय गरेको छ । यस कम्पनीले १३ करोड १० लाख ३८ रुपैयाँ प्रथम बीमा शुल्क र १ अर्ब २२ करोड ३१ लाख ७६ हजार रुपैयाँ नवीकरण बीमाशुल्क आर्जन गरेको हो । सुर्यज्योति लाइफ इन्स्योरेन्स कम्पनीले ६९ करोड ६२ लाख ८१ हजार रुपैयाँ प्रिमियम संकलन गरेको छ । जसमा १६ करोड १९ लाख ४५ रुपैयाँ प्रथम बीमा शुल्क र ५३ करोड ४३ लाख ३७ हजार रुपैयाँ नवीकरण बीमाशुल्क रहेको छ । यसैगरी एशियन लाइफ इन्स्योरेन्सको बीमाशुल्क ६५ करोड ९७ लाख ५१ हजार रुपैयाँ छ । एशियनले १४ करोड २४ लाख ८७ रुपैयाँ प्रथम बीमा शुल्क र ५१ करोड ७२ लाख ६३ हजार रुपैयाँ नवीकरण बीमाशुल्क संकलन गरेको हो ।

बीमा प्राधिकरणको तथ्याङ्क अनुसार मङ्सिर महीनामा सातौं धेरै प्रिमियम संकलन गरेको मेट लाइफले ९ करोड ८६ लाख ७५ रुपैयाँ प्रथम बीमा शुल्क र ३७ करोड ८६ लाख ९९ हजार रुपैयाँ नवीकरण गरी कुल ४७ करोड ७३ लाख ७४ हजार रुपैयाँ बीमाशुल्क संकलन गरेको छ । तथ्याङ्क अनुसार सानिमा लाइफ इन्स्यारेन्सले पनि पाँचौं महीना मङ्सिरमा ४७ करोड ३९ लाख ८ हजार रुपैयाँ बीमाशुल्क संकलन गरेको छ । जसमा १५ करोड ३४ लाख ३४ हजार रुपैयाँ प्रथम बीमा शुल्क र ३२ करोड ४ लाख ७४ हजार रुपैयाँ नवीकरण बीमाशुल्क वापतको हो ।

त्यस्तै चालु आवको मङ्सिरमा सिटिजन लाइफ इन्स्योरेन्सको प्रथम बीमा शुल्क १३ करोड ९८ लाख ७३ हजार रुपैयाँ र नवीकरण बीमाशुल्क ३१ करोड २३ लाख २२ हजार रुपैयाँ गरी कुल बीमाशुल्क रकम ४५ करोड २१ लाख ९६ हजार रुपैयाँ संकलन गरेको हो । प्राधिकरणको तथ्याङ्क अनुसार आईएमई लाइफ इन्स्योरेन्सले मङ्सिरमा १० करोड ४ लाख ८६ हजार रुपैयाँ प्रथम बीमा शुल्क र २३ करोड ३८ लाख ५४ हजार रुपैयाँ नवीकरण बीमाशुल्क गरी कुल ३३ करोड ४३ लाख ४० हजार रुपैयाँ बीमाशुल्क संकलन गरेको छ । रिलायबल नेपाल लाइफ इन्स्योरन्सले मङ्सिरमा ३१ करोड ९२ लाख १८ हजार रुपैयाँ बीमाशुल्क संकलन गरेको छ । रिलायबलले १० करोड ८३ हजार रुपैयाँ प्रथम बीमा शुल्क र २१ करोड ९१ लाख ३५ हजार रुपैयाँ नवीकरण बीमाशुल्क संकलन गरेको हो ।

प्राधिकरणको तथ्याङ्क अनुसार सन् नेपाल लाइफ इन्स्योरन्सको मङ्सिरमा संकलन भएको बीमाशुल्क रकम ३२ करोड ११ लाख ५१ हजार रुपैयाँ बराबर रहेको छ । जसमा १३ करोड ३० लाख ५३ हजार रुपैयाँ प्रथम बीमा शुल्क वापत र १८ करोड ८० लाख ९८ हजार रुपैयाँ नवीकरण बीमाशुल्क वापत संकलन भएको हो । यस्तै प्रभु महालक्ष्मी लाइफ इन्स्योरन्सको मङ्सिरमा ३० करोड ३२ लाख ५१ हजार रुपैयाँ कुल बीमाशुल्क संकलन गरेको छ । जसमा ६ करोड ७३ लाख ७९ हजार रुपैयाँ प्रथम बीमा शुल्क र २३ करोड ४८ लाख ७२ हजार रुपैयाँ नवीकरण बीमाशुल्क वापतको हो ।

सरकारी स्वामित्वको राष्ट्रिय जीवन बीमा कम्पनी लिमिटेड (साबिक राष्ट्रिय बीमा संस्थान) सबैभन्दा कम प्रिमियम संकलन गर्ने कम्पनी बनेको छ । राष्ट्रिय जीवन बीमा कम्पनीले चालु आवको पाँच महीना अवधिमा ९ करोड ८९ लाख ६५ हजार रुपैयाँ प्रथम बीमाशुल्क र १९ करोड ५८ लाख ७६ हजार रुपैयाँ गरी कुल २९ करोड ४८ लाख ४१ हजार रुपैयाँ कुल बीमाशुल्क संकलन गरेको हो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।