सानिमा ग्रोथ फण्डले कति दिने भयो प्रतिफल ?

काठमाडौँ । सानिमा बैंक लिमिटेड कोष प्रबर्द्धक तथा सानिमा क्यापिटल लिमिटेड योजना व्यवस्थापक रही सानिमा म्युचुअल फण्ड अन्तर्गत सञ्चालित सानिमा ग्रोथ फण्डले प्रतिफल घोषणा गरेको छ।

फण्डले आफ्ना इकाईधनीहरुलाई गत आर्थिक वर्षको लागि इकाईधनीहरुलाई ५ प्रतिशतका दरले प्रतिफल वितरण गर्ने घोषणा गरेको हो।

भदौ ५ गते बसेको फण्डको योजना व्यवस्थापकको सञ्चालक समितिको बैठकले सो दरमा प्रतिफल वितरण गर्ने निर्णय गरेको हो ।

यसका साथै उक्त बैठकले प्रतिफल वितरण प्रयोजनार्थ भदौ १८ गते बुकक्लोज गर्ने भएको छ । यस अनुसार भदौ १७ गतेसम्म नेप्सेमा कारोबार भइ कायम इकाईधनीहरुले सो प्रतिफल प्राप्त गर्न सक्नेछन् ।