काठमाडौँ । भाटभटेनी सुपरस्टोरको टंगाल शाखा आजदेखि चौबिसै घण्टा खुल्ने भएको छ । जेनजी आन्दोलनका क्रममा पूर्णरुपमा क्षतिग्रस्त बनेको उक्त स्टोर असोज ५ गतेदेखि सञ्चालनमा आएको थियो ।
सोही भाटभटेनी सुपरमार्केट आजदेखि चौबिसै घण्टा खुला गरिएको हो । यसअघि भक्तपुरको राधेराधेबाट भाटभटेनीको चौबिसघण्टे सेवा सुरु भएको थियो ।
भाटभटेनीका प्रमुख सञ्चालन अधिकृत (सीओओ) पानु पौडेलले ग्राहकहरूले रातिको समयमा पनि किनमेल गर्न सकुन् भन्ने उद्देश्यले टंगाल शाखा चौबिसै घण्टा खुला गरिएकोे बताए ।
भाटभटेनी सुपरस्टोरका हाल देशभरि २७ वटा स्टोर सञ्चालनमा छन् । भाटभटेनीले वार्षिक ३२ अर्ब रुपैयाँ बराबर आम्दानी गर्दै आएको छ







