सानिमा बैंकको बडा दशैं विशेष योजनामा यस्ता सुविधा घोषणा

नेपाल राष्ट्र बैंकबाट इजाजत प्राप्त वाणिज्य बैंक सानिमाले नेपालीहरुको महान पर्व बडा दशैंको अवसरमा ग्राहकहरुको लागि विशेष दशैं बम्पर योजना सार्वजनिक गरेको छ ।

सानिमा बैंकले असोज १ गतेदेखि लागू हुने सो योजना अन्तर्गत व्यक्तिगत मुद्दती खातामा ९.५१ प्रतिशतसम्म उच्च ब्याजदर मासिक रुपमा प्रदान गर्नेछ भने खाता खोल्दा पहिलो वर्षका लागि डेबिट र क्रेडिट कार्ड, मोबाइल बैंकिङ्ग, इन्टरनेट बैंकिङ्ग मेरो शेयर, डिम्याट खाता निःशुल्क प्रदान गरिने जनाएको छ ।

यसका साथै बचत खातामा ५ प्रतिशतसम्म ब्याजदर प्रदान गरिनुका साथै दुर्घटनामा मृत्यु भएमा वा स्थायी अपाङ्गता भएमा १० लाख रूपैयाँसम्मको दुर्घटना बीमा, ३ लाख रूपैयाँ बराबरको घातक रोगको बीमा, ५० हजार रूपैयाँ बराबरको मेडिकल बीमा, वार्षिक ५ हजार रूपैयाँ बराबरको वार्षिक बहिरंग उपचार खर्च र ५ हजार रूपैयाँ बराबरको स्वास्थ्य परीक्षण सेवा ग्राहकहरुलाई प्रदान गरिने छ ।

सानिमा बैंकको वेबसाइटमा लगइन गरी अनलाईन खाता पनि खोल्न सकिन्छ ।

सानिमा बैंकको देशका सातै प्रदेशमा १०४ वटा कार्यालय तथा ९६ वटा एटिएम संचालनमा रहेका छन् ।

बैंकिङ्ग प्रणालीमा लगानीयोग्य तरलता रकम अभाव भएसँगै पछिल्ला दिनहरुमा बैंकहरुबीच निक्षेप तान्न आकर्षक ब्याजदर घोषणाको सिजन चल्न थालेको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।