कृषि क्षेत्र विकास कार्यक्रम अन्तरगत प्रभु बैंकको कर्णाली लक्षित विकसित नयाँ कर्जा सेवा

प्रभु बैंकले कर्णाली प्रदेशमा कृषि क्षेत्र विकास कार्यक्रम अन्तरगत विकसित नयाँ कर्जा सेवा उपलब्ध गराउने भएको छ ।

बैंकले कार्यक्रम अन्तरगत लाभग्राहीका लागि सहज र सरल तरीका बाट कर्जा उपलब्ध गराउन अलग्गै कर्जा योजना तर्जुमा गरेर कार्यान्वायनमा ल्याउन लागेको हो । कर्णाली प्रदेश तथा सो अन्तरगतका शाखा प्रमुखहरुलाई यस कार्यक्रम अन्तरगतका लाभग्राहीहरुलाई सहज रुपमा कर्जा प्रवाह गराई वित्तिय साक्षरता समेत उपलब्ध गराउन बैंकले निर्देशन दिएको छ ।

सुर्खेतको बीरेन्द्रनगरमा आयोजित लाभग्राहीका लागि प्रभु बैंकद्धारा विकसित नयाँ कर्जा सेवा सम्वन्धि अन्तरक्रियामा बैंकका माइक्रोफाइनान्स हेड चन्द्र बहादुर खत्रीले कर्णली प्रदेशका शाखाहरुलाई यस्तो आग्रह गरेका हुन् ।

कृषि विकासका लागि अन्तर्राष्ट्रिय कोषको आर्थिक सहयोगमा नेपाल सरकारको संघीय कृषि तथा पशुपन्छी विकास मन्त्रालयद्धारा सञ्चालित कार्यक्रम कृषि क्षेत्र विकास कार्यक्रम हो । कर्णाली प्रदेशका पहाडी तथा उच्च पहाडी क्षेत्रमा बसोवास गरेका जनताहरुको गरिवी तथा पोषण असुरक्षा न्यूनिकरण गरी नेपालको दिगो विकास लक्ष्य प्राप्तिमा योगदान पुर्याउनु कार्यक्रमको लक्ष्य रहेको छ ।

समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।