१९ लघुवित्तलाई ८ सूचकका तथ्यांकको आधारमा गर्नुहोस् तुलनात्मक अध्ययन

पछिल्ला दिनहरुमा लघुवित्त कम्पनीहरुको शेयर मूल्यमा खास उतारचढाव देखिएको छैन । कम्पनीहरुले धमाधम वित्तीय विबरण सार्वजनिक गर्दै गर्दा अरु समुहका कम्पनीको शेयर मूल्य आकासिँदै गई रहेको छ । यो क्रम चल्दै गर्दा १८ वटा सूचीकृत तथा आईपिओ निष्काशन गर्नै लागेको एउटा लघुवित्तको तुलनात्मक अध्ययनका लागि नोटबजारले तथ्यांकमा आधारित यो सामग्री तयार पारेको छ ।

तेस्रो त्रैमासको वित्तीय विबरण सार्वजनिक गर्ने क्रममा आइतबारसम्ममा १९ लघुवित्त कम्पनीले वित्तीय विबरण सार्वजनिक गरेका छन् । सोही विबरणका आधारमा यो तथ्यंक तयार पारिएको छ ।

चालु आर्थिक वर्षको तेस्रो त्रैमासमा निर्धन उत्थान लघुवित्त सबैभन्दा अब्बल देखिएको छ । लघुवित्त कम्पनीहरुको वित्तीय विबरणबाट विभिन्न ८ सूचकलाई केलाउँदा २ वटा सूचकमा निर्धन पहिलो बनेको छ । अरु सूचकहरुमा पनि निर्धन अधिकांस लघुवित्तभँदा अगाडी देखिएको छ ।

केही समय अघि सर्वसाधारणमा शेयर निष्काशन गरेको आशा लघुवित्त ८ मध्ये ४ वटा सूचकमा कमजोर देखिएको छ । अघिल्लो आर्थिक वर्षको तुलनामा सुधारिएको वित्तीय विबरण निकाले पनि आशा लघुवित्त कम्पनीहरुमा कमजोर सावित भएको तथ्यांकले देखाउँछ ।

उता यहि बैशाख १६ गतेदेखि साधारण शेयर निष्काशन गर्न लागेको गुराँस लघुवित्त पनि अरु लघुवित्तको तुलनामा केही कमजोर देखिएको छ । साधारण शेयर निष्काशन पश्चात चुक्ता पूँजी बढे पनि अरु सूचकमा सुधार गर्न गुराँसले धेरै मेहनत गर्नु पर्ने तथ्यांकले देखाएको छ ।

चुक्ता पूँजीका आधार निर्धन उत्थान ठुलो हुँदा गुराँस सबैभन्दा सानो भएको छ । केही दिनमा नै साधारण शेयर निष्काशन गरे पछिको अवस्थामा भने पूँजीका आधारमा समता माइक्रोफाइनान्स सबैभन्दा सानो माइक्रोफाइनान्स हुनेछ ।

जगेडा कोषका आधारमा आरएमडिसी लघुवित्तको आकार सबैभन्दा ठुलो छ भने गुराँस लघुवित्तको सबैभन्दा सानो छ । गुराँस सूचीकृत भैनसकेको अवस्थामा सूचीकृत लघुवित्तको मात्र हेर्दा भने सबैभँदा सानो आकारको जगेडा भएको लघुवित्तमा स्पर्श लघुवित्त परेको छ ।

आर्थिक वर्ष २०७५/०७६ को तेस्रो त्रैमासमा १९ लघुवित्तको वित्तीय अवस्था

– स्रोत लघुवित्त कम्पनीहरुले सार्वजनिक गरेको त्रैमासिक वित्तीय विबरण

निर्धन उत्थानले सबैभन्दा धेरै खुद नाफा कमाउँदा थोरै कमाउनेमा स्पर्श लघुवित्त नै परेको छ ।

प्रति शेयर आम्दानीका आधारमा नेशनल माइक्रोफाइनान्सले अग्रता लिएको तथ्यांकमा आशा लघुवित्त सबैभन्दा पछि परेको छ ।

मूल्य आम्दानी अनुपातका आधारमा मेरो माइक्रोफाइनान्स उत्कृट दर्ज हुँदा आशा लघुवित्त नै सबैभन्दा कमजोर देखिन पुगेको छ ।

प्रतिशेयर नेटवर्थका आधारमा आरएमडिसी लघुवित्त पहिलो बनेको छ भने आशा लघुवित्त नै अन्तिममा परेको छ ।
उता निष्कृय कर्जा अनुपातका आधारमा स्पर्श लघुवित्त सबैभन्दा अब्बल देखिएकोमा आशा लघुवित्तको सबैभन्दा धेरै खराब कर्जा देखिएको छ । थोक लघुवित्त सेवा प्रदायकहरुको निष्कृय कर्जा अनुपात शुन्य देखाइएकोले सूचीमा समावेश गरिएको छैन ।

कोषको लागतका आधारमा चौतारी लघुवित्तको लागत सबैभन्दा कम देखिँदा स्पर्श लघुवित्त र मिर्मिरे माइक्रोफाइनान्स सबैभन्दा बढी लागतमा काम गरिरहेको तथ्यांकले देखाउँछ ।