हरियो खूर्सानीको आयात झण्डै ५ गुणाले घट्यो, मूल्य बढ्दो क्रममा

हरियो खूर्सानीको आयात ४.७४ गुणाले घटेको छ । कालिमाटी तरकारी तथा फलफूल बजार विकास समितिका अनुसार फागुन १५ गते २७ हजार ७५० केजी खूर्सानी आयात भएकोमा फागुन १६ गते ५ हजार ८५० केजी मात्र आयात भएको छ । जुन झण्डै ५ गुणाले कम हो ।

हरियो खूर्सानीको आयात कम भएसँगै मूल्य बढ्दो क्रममा रहेको छ । फागुन १५ गते प्रतिकेजी ८६ रुपैयाँ रहेको हरियो खूर्सानी आज प्रतिकेजी १३६ रुपैयाँमा कारोबार भइरहेको छ ।

आज कालिमाटीमा हरियो खूर्सानीको न्यूनतम मूल्य १३० रुपैयाँ तोकिएको छ भने अधिकतम मूल्य १४० रुपैयाँ तोकिएको छ । आज सुकेको खूर्सानीको न्यूनतम मूल्य प्रतिकेजी ३५० रुपैयाँ तोकिएको छ भने अधिकतम मूल्य ४०० रुपैयाँ तोकिएको छ ।

यसैगरी, हरियो खूर्सानी (बुलेट)को प्रतिकेजी न्युनतम मूल्य १३० रुपैयाँ तोकिएको छ भने अधिकतम मूल्य १४० रुपैयाँ तोकिएको छ । यस्तै, हरियो खूर्सानी (माछे)को प्रतिकेजी न्युनतम मूल्य ९० रुपैयाँ तोकिएको छ भने अधिकतम मूल्य १०० रुपैयाँ तोकिएको छ । आज अकबरे हरियो खूर्सानीको प्रतिकेजी न्युनतम मूल्य २८० रुपैयाँ तोकिएको छ भने अधिकतम मूल्य ३०० रुपैयाँ तोकिएको छ ।

यसैगरी, आज भेडे खूर्सानी ९० देखि १०० रुपैयाँसम्म कारोबार भइरहेको छ भने हरियो लसुन १३० देखि १४० रुपैयाँसम्म कारोबार भइरहेको छ ।

बिहीबार कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।