सिजन सुरु भएसँगै आँपको मूल्य घट्दो क्रममा, एकैदिन २० रुपैयाँको गिरावट

सिजन सुरु भएसँगै आँपको मूल्य घट्दो क्रममा रहेको छ । सिजन सुरु भएकोले आयातमा आएको वृद्धिसँगै मूल्यमा गिरावट आएको कालिमाटी बजार बिकास समितिले जनाएको छ ।

पछिल्लो समय आँप आयात ह्वातै बढेको छ । असार ५ गते ११ हजार २४१ केजी आँप आयात भएकोमा अहिले ३० हजार ३२५ केजीको हाराहारीमा आयात भइरहेको छ ।

आज कालिमाटीमा मालदह (आँप) को न्यूनतम मूल्य ६५ रुपैयाँ कायम भएको छ भने अधिकतम मूल्य ७५ रुपैयाँ रहेको छ । हिजो आइतबार सोही आँपको न्यूनतम मूल्य प्रतिकेजी ८५ रुपैयाँ रहेको थियो भने अधिकतम मूल्य ९५ रुपैयाँ थियो ।

यस्तै, आज दसहरी आँप ७० देखि ८० रुपैयाँसम्म कारोबार भइरहेको छ भने मौसम १६० देखि १८० रुपैयाँ, जुनार २२० देखि २५० रुपैयाँ, भुई कटहर प्रतिगोटा १६० देखि १८० रुपैयाँसम्म कारोबार भइरहेको छ ।

सोमबार कुन तरकारी तथा फलफूलको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।