सानिमा बैंक (SANIMA) ले गत आर्थिक वर्ष २०७६/७७ को नाफाबाट आफ्ना शेयरधनीलाई १२ प्रतिशत लाभांश वितरण गर्न सक्ने क्षमता बनाएको छ।
चुक्ता पूँजी ८ अर्ब ८० करोड १३ लाख ८१ हजार रुपैयाँ रहेको बैंकले १ अर्ब ११ करोड ९७ लाख २२ हजार रुपैयाँ वितरण योग्य नाफा आर्जन गरेको हो । अघिल्लो आवमा बैंकले १ अर्ब ६२ करोड ५६ लाख ९३ हजार रुपैयाँ वितरणयोग्य नाफा आर्जन गरेर २०.३२ प्रतिशत लाभांश क्षमता कायम गरेको थियो।
असार मसान्तसम्ममा बैंकको खुद नाफा १ अर्ब ७० करोड ३३ लाख ७४ हजार रुपैयाँ छ। बैंकले कमाएको यो खुद नाफा अघिल्लो आवको तुलनामा २४.५६ प्रतिशत थोरै हो। अघिल्लो आवमा बैंकले २ अर्ब २५ करोड ८० लाख खुद नाफा कमाएको थियो। कारोना भाइरस संक्रमण रोक्न सरकारले गरेको ४ महिने लकडाउन र ऋणीहरुलाई प्रदान गरिएको सुविधाका कारण बैंकको ऋण असुली प्रभावित बन्दा नाफा घट्न पुगेको हो।
गत आर्थिक वर्षको चौथो त्रेमाससम्ममा बैंकले निक्षेप संकलन १९.५४ प्रतिशतले बढेर १ खर्ब ६ अर्ब ८३ करोड ५७ लाख रुपैयाँ पुगेको छ भने कर्जा लगानीतर्फ ११.२३ प्रतिशत वृद्धि भई ९० अर्ब ५६ करोड ६१ लाख रुपैयाँ पुगेको छ।
गत आवमा बैंकको खुद ब्याज आम्दानी सामान्य बढेर ४ अर्ब २१ करोड ५४ लाख रुपैयाँ खुद ब्याज आम्दानी गरेको छ। अघिल्लो आवमा खुद ब्याज आम्दानी ४ अर्ब २० करोड ८६ लाख रुपैयाँ रहेको थियो।
बैंकको जगेडा कोष भने २६.३३ प्रतिशतले बढेर २ अर्ब ८२ करोड ५६ लाख पुगेको छ भने शेयरधनी कोषमा १ अर्ब ११ करोड रूपैयाँ सञ्चित छ। बैंकको वार्षिक प्रतिशेयर आम्दानी १९.२५ रुपैयाँ, प्रतिशेयर नेटवर्थ १४४.८३ रुपैयाँ, मूल्य आम्दानी अनुपात १७.०५ गुणा, र खराब कर्जा अनुपात ०.४८ प्रतिशत रहेको छ।
सानिमा बैंकको कोषको लागत ६.६६ प्रतिशत, कर्जा निक्षेप अनुपात ७४.७२ प्रतिशत, आधार दर ८.६२ प्रतिशत र स्प्रेड दर ३.४७ प्रतिशत रहेको छ।
| Particulars | Sanima Bank Limited ( Rs in’000) | ||
| Q4 2076/77 | Q4 2075/76 | Difference | |
| Paid Up Capital | 8,801,381 | 8,001,255 | 10.00% |
| Reserves | 2,825,687 | 2,236,786 | 26.33% |
| Retained Earnings | 1,119,722 | 1,751,507 | -36.07% |
| Profit/(Loss) for the Year | 1,703,374 | 2,258,068 | -24.56% |
| EPS (In Rs.) | 19.35 | 28.22 | -31.43% |
| Net Worth per Share (In Rs.) | 144.83 | 148.73 | -2.62% |
| Deposits from Customers | 106,835,786 | 89,373,729 | 19.54% |
| Loans & Advances to Customers | 90,566,104 | 81,418,861 | 11.23% |
| Net Interest Income | 4,215,463 | 4,208,697 | 0.16% |
| Impairment Charge/(Reversal) | 883,459 | 218,238 | 304.81% |
| Operating Profit | 2,418,613 | 3,224,895 | -25.00% |
| Distributable Profit/ (Loss) after P/L Appropriation and Regulatory Adjustments | 1,119,722 | 1,625,693 | -31.12% |
| Capital Adequacy Ratio (CAR) % | 12.97 | 13.19 | -1.67% |
| NPL % | 0.48 | 0.08 | 500.00% |
| CCD (as per NRB Directives) % | 74.72 | 77.91 | -4.09% |
| Cost of Fund (%) | 6.66 | 7.39 | -9.88% |
| Base Rate (%) | 8.62 | 9.45 | -8.78% |
| Qtr End PE Ratio (times) | 17.05 | 12.41 | 37.39% |
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया