तरकारीको भाउ मासु भन्दा महंगो : एकैपटक प्रतिकिलो ३०० रुपैयाँसम्म बढ्यो

बाढी, पहिरोले राष्ट्रिय राजमार्गसहित ग्रामीण सडकमा यातायात प्रभावित हुँदा तरकारीको भाउ बढ्न थालेको छ । बाढी, पहिरोले सामान ढुवानी प्रणाली प्रभावित हुँदा तरकारीको भाउ आकासिएको हो ।

कालीमाटी फलफूल तथा तरकारी बजार विकास समितिका अनुसार अहिले सबैजसो तरकारीको मूल्य महँगिएको छ । जसमध्ये सजिवन, हरियो धनिया, सुकेको खूर्सानी, पुदिनाको भाउ मासु भन्दा पनि महंगो भएको छ ।

कालिमाटी तरकारी बजारमा सजिवनको मूल्य एकपटक प्रतिकिलो ३०० रुपैयाँ बढेर औसतमा ५०० रुपैयाँमा कारोबार भइरहेको छ । यो भन्दा अघिल्लो पटक कालिमाटीमा सजिवन २०० रुपैयाँमा कारोबार भएको थियो ।

यस्तै, आज हरियो धनियाँ र सुकेको खूर्सानीको अधिकतम मूल्य ५०० रुपैयाँ रहेको छ भने पुदिना ५२५ रुपैयाँमा कारोबार भइरहेको छ ।

यस्तै, आज डल्लो फसीको प्रतिकेजी औसत मूल्य ९० रुपैयाँ, रायोको साग २८३ रुपैयाँ, जिरीको साग २७६ रुपैयाँ, हरियो प्याज १४६ रुपैयाँ, ब्रोकाउली १४६ रुपैयाँमा कारोबार भइरहेको छ भने डल्ले च्याउ ४३० रुपैयाँ, न्युरो ९५ रुपैयाँ झिगुनी प्रतिकेजी ९६ रुपैयाँमा कारोबार भइरहेको छ ।

शुक्रबार कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।