विद्यालय तथा होटललाई क्वारेन्टाइनस्थल बनाउने सरकारको तयारी

सरकारले कोरोना भाइरस (कोभिड १९) को सम्भावित जोखिमलाई ध्यानमा राख्दै विद्यालय तथा होटलहरुलाई क्वारेन्टाइनस्थल बनाउने भएको छ ।

कोरोना रोकथामका लागि उच्चस्तरीय समन्वय समितिको शनिबार बसेको बैठकले देशभर आवश्यकता अनुसार क्वारेन्टाइनस्थल बनाउने निर्णय गरेको छ । नीजि आवासिय घर, विद्यालय र होटलहरुलाई क्वारेन्टाइनस्थल बनाउने प्रस्तावलाई पनि समितिले स्वीकार गरेको छ ।

विभिन्न होटल सञ्चालकहरुले आफ्ना होटललाई क्वारेन्टाइन स्थल बनाउन सहमति जनाए पछि सरकरले सोही अनुसार अघि बढ्ने योजना बनाएको हो ।

काठमाडौंका सबै होटललाई कोरोना रोकथामका लागि क्वारेन्टाइनस्थल बनाउन दिने निर्णय यस अघि नै होटल व्यवसायीले गरिसकेका छन् ।