घिउ सिमिको मूल्य एकैदिन प्रतिकिलो ४० रुपैयाँ बढ्यो, आजको भाउ कति ?

कालिमाटी तरकारी तथा फलफूल बजारमा घिउ सिमीको मूल्य एकैदिन प्रतिकिलो ४० रुपैयाँ बढेको छ । हिजो प्रतिकिलो औसत मूल्य १३० रुपैयाँ रहेको घिउ सिमि अहिले प्रतिकिलो १७० रुपैयाँमा कारोबार भइरहेको छ ।

आज घिउ सिमि (राजमा)को न्यूनतम मूल्य १६० रुपैयाँ तोकिएको छ भने अधिकतम मूल्य १८० रुपैयाँ रहेको छ ।

यस्तै, आज घिउ सिमि (हाइब्रिड) र घिउ सिमि (लोकल) को न्यूनतम मूल्य ९० रुपैयाँ छ भने अधिकतम मूल्ष् ११० रुपैयाँ तोकिएको छ । आज टाटे सिमि ७० देखि ८० रुपैयाँसम्म कारोबार भइरहेको कालिमाटी बजार विकास समितिले जनाएको छ ।

यसैगरी, आज तने बोडी ५० देखि ६० रुपैयाँसम्म कारोबार भइरहेको छ भने मटरकोशा ८० देखि ९० रुपैयाँ रहेको छ ।

लोका ५० देखि ६० परवल (तराई) १०० देखि ११०, घिरौला ८० देखि ९०, पाकेको फर्सी ३५ देखि ४५, भिण्डी १०० देखि ११० रुपैयाँमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।